يا حليلها بزة

امس قررنا “جماعة المدونة ” ان نتعشى في كافيه بزة. صراحة كنا مشتهين شي شعبي و بسيط و الجو صقوعة. فما كان لنا الا كافيه بزة.

(اللي ما يعرف وين الكافيه اهوا على شارع الخليج بس تدخلونله من مستشفى السلام )

.. المهم

و الله عجبنا المكان و ديكوراته بسيطة و شعبية بس فيها لمسة مودرن. الموسيقى الخلفية بالكافيه كلها اغاني كويتية قديمة اصيلة و حتى التلفزيون حاطين مسلسلات قديمة عاد كانوا حاطين درب الزلق حسينوه يداحر ام عليوي و سعد متوهق فيهم!

.صراحة كانت الاجواء قديمة و دافية و تحسس الواحد ان الدنيا بخير و تنسيكم لجة الانتخابات اللي صايرة الحين.

 لما عطونا المنيو اول صفحة فتحتها كانوا حاطين مثل قصيدة ترحب بالزوار وااايد اعجبتني الفكرة

.

.

بنقولكم الصج و محنا مستحين منكم من اليوع لهينا بالأكل وما صورنا الاكل بس اشوا ان صورنا بعض الأشياء الي طلبناها من المنيو

١- احلى شي الحليب المهيل و الحليب بالزغفران عاد احنا خلطنا النوعين مع بعض طلع لذيييييذ

.

.

٢- طلبنا الخبز التنورالبيرغر واايد لذيذ وفكرته غريبة والبطاط الي معاه خيال

.

.

٣-طلبنا شي اسمه شروكة مقرمشة على ما اعتقد لان كل شي فيه يتقرمش فيه اربع انواع كبب كويتية وبالنص الصلصلة حق التقمس… عاد نموت على التقمس و التبربس

.

.

و الحلو طلبنا شي خطير اسمه “صنداي الكوت”، هذا الطبق تهاوشنا علية و اظطرينا نطلب ثاني .. اهوا عبارة عن قرص عقيلي و بالنص برد مع صلصلة كاراميل..

هذا الطبق اعطيه ١٠/١٠

.

.

وطلبنا حلو ثاني اسمه “بسكوت بالقيمر” صراحه ما عجبنا

.

الأكل حلو – المكان حلو ــ الخدمة حلوة

صج يا حليل كافيه بزة

Advertisements

January 15, 2012. Tags: , , , , , , , , , . By Frequently Chic.

Leave a Comment

Be the first to comment!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Trackback URI

%d bloggers like this: